ایم کیوایم کی رکنیت سازی مہم کی کامیابی جناب الطاف حسین کے فکر و فلسفے کی کامیابی ہے، سید امین الحق

کراچی: ۔۔۔15نومبر2014ء

متحد ہ قومی موومنٹ کی رابطہ کمیٹی کے ارکان سیدامین الحق اورخالدسلطان نے ایم کیوایم کی رکنیت سازی مہم کے سلسلے میں پی آئی بی کالونی ،جہانگیر روڈ اور ناظم آباد پاپوشنگر میں لگائے گئے رکنیت سازی کیمپوں کادورہ کیااورکیمپس پررکنیت سازی کے سلسلے میں کیے جانے والے انتظامات کاجائزہ لیااورموقع پرموجود ذمہ داران وکارکنان سے رکنیت سازی کے سلسلے میں معلومات حاصل کیں۔اس موقع پرذمہ داران نے بتایاکہ ایم کیوایم کی رکنیت سازی کیمپس پرخواتین اورمردوں کے لئے علیحدہ علیحدہ کاؤنٹرزبنائے گئے ہیں جہاں ڈیوٹیوں پر تعینات ایم کیوایم کے ذمہ داران وکارکنان نئے آنے والوں کی معاونت کررہے ہیں اورقائدتحریک جناب الطاف حسین کی جانب سے رکنیت سازی کی مدمیں مقررہ دس روپے فیس عویض لوگوں کو فارمزجاری کر رہے ہیں۔انہوں نے بتایاکہ رکنیت سازی فارم بھروالے ہر فرد کو شناختی کارڈ نمبرکی طرح ایک نمبرآلاٹ کیاجاتاہے جواس کی شناختی علامت ہوتاہے اور تاحیات اس نمبرمیں کس قسم کی کوئی تبدیلی نہیں ہوگی۔اس موقع پر رکنیت سازی کے لئے قائم کیمپس پرتمام مذاہب ومختلف مکاتب فکر اور زبانیں بولنے والے عوام کا جم غفیر دیکھنے میں آیاجورکنیت حاصل کرنے کے لئے انتہائی منظم اندازمیں قطاروں میں کھڑے ہوکراپنی باری کاانتظارکر رہے تھے جن میں نوجوانوں کی تعدادنمایاں تھی اورجن کا جوش وخروش قابل دید تھا۔ سیدامین الحق اورخالدسلطان کچھ دیر کیمپوں پر موجود رہے اور انہوں نے کیمپس پر ایم کیوایم کی رکنیت حاصل کرنے کے لئے آنے والے افراد سے ملاقات کرکے قائدتحریک جناب الطاف حسین کی جانب سے انہیں خوش آمدیدکہا اور ان کا خیر مقدم کرتے ہوئے رکنیت سازی فارم بھرنے میں ان کی ہرممکن رہنمائی بھی کی۔اس موقع پرذمہ داران وکارکنان سے گفتگو کرتے ہوئے سیدامین الحق نے کہاکہ ایم کیوایم کی رکنیت سازی مہم نے عوام خصوصاًنوجوان طبقے میں ایک نیاجوش وولوالہ پیداکردیاہے اوروہ ملک میں حقیقی تبدیلی لانے اور قائد تحریک الطاف حسین کے فکروفلسفے کوگھرگھرپھیلانے کے لئے نہ صرف مہم کاحصہ بن رہے ہیں بلکہ ملک سے فرسودہ نظام کے مکمل خاتمے کے لئے نئے جوش وجذبے کے ساتھ قائد تحریک جناب الطاف حسین کے شانہ بشانہ کھڑے ہونے کاعزم کررہے ہیں۔انہوں نے کہاکہ ایم کیوایم کی رکنیت سازی مہم کی بھرپورکامیابی جناب الطاف حسین کے فکروفلسفے کی کامیابی ہے اوراس بات کی علامت ہے کہ ایم کیوایم نے اس مہم کے ذریعے آئندہ آنے والی نسلوں کی فلاح بہبودکے لئے مضبوط پاکستان کی بنیاد رکھ دی ہے۔

تصاویر