پاکستان میں آباد تمام مسیحی، ہندو، سکھ اورتمام مذہبی اقلیتی برادریوں سے تعلق رکھنے والے عوام کراچی میں ایم کیوایم کے قائد الطاف حسین سے اظہاریکجہتی کیلئے ہونے والی ریلی میں بھرپورتعدادمیں شرکت کریں

لندن۔۔۔24مئی 2014ء

برطانیہ کے شہرر گبی کے نومنتخب کونسلراور رگبی کے سابق میئراورکرسچین  کمیونٹی کے ممتاز رہنما جیمز شیرا نے پاکستان میں آباد تمام مسیحی، ہندو، سکھ اورتمام مذہبی اقلیتی برادریوں سے تعلق رکھنے والے عوام سے اپیل کی ہے کہ وہ اتوار25مئی کوکراچی میں ایم کیوایم کے قائدجناب الطاف حسین سے اظہاریکجہتی کے لئے ہونے والی ریلی میں بھرپورتعدادمیں شرکت کریں۔جیمزشیرانے ایم کیوایم انٹرنیشنل سیکریٹریٹ فون کرکے ایم کیوایم کے قائدجناب الطاف حسین سے مکمل یکجہتی کااظہارکیااورکہاکہ جناب الطاف حسین ہی پاکستان کے وہ واحد لیڈرہیں جو پاکستان میں آبادتمام مذہبی اقلیتوں کے ساتھ ساتھ تمام محروم ومظلوم عوام کے حقوق کے سچے ترجمان اورعلمبردار ہیں جنہوں نے ہرمشکل وقت مذہبی اقلیتوں کاساتھ دیااورجب بھی کسی اقلیتی برادری سے کوئی زیادتی ہوئی توالطاف حسین نے ان کے لئے آوازبلند کی ۔جیمزشیرانے کہاکہ پاکستان کے تمام غریب ومظلوم عوام کوچاہیے کہ وہ اپنی قسمت بدلنے کے لئے الطاف حسین کا ساتھ دیں اوران کے ہاتھ مضبوط کریں۔