ممتاز علمائے کرام علامہ طالب جوہری اور علامہ عباس کمیلی کی ایم کیوایم کے قائدالطاف حسین سے گفتگو، ایم کیوایم کی ریلی کی مکمل حمایت کا اعلان
تمام فقہوں اور مسالک سے تعلق رکھنے والے عوام مسلح افواج سے اظہار یکجہتی کیلئے ایم کیوایم کی ریلی میں بھر پور تعداد میں شرکت کریں۔ علامہ طالب جوہری اور علامہ عباس کمیلی
دہشت گردوں کا ایک مخصوص ٹولہ اسلام کے چہرے کو مسخ کررہا ہے، پوری قوم کو اس کے خلاف متحد ہونا چاہیے، علامہ طالب جوہری اور علامہ عباس کمیلی
مسلح افواج پاکستان کو دہشت گردی کی لعنت سے نجات دلانے کیلئے سرگرم ہیں، اس جنگ میں مسلح افواج کو قوم کی بھرپور حمایت اور یکجہتی کی ضرورت ہے۔ الطاف حسین
لندن ۔۔۔22 فروری2014ء
ممتاز علمائے کرام علامہ طالب جوہری اورعلامہ عباس کمیلی نے دہشت گردی کے خلاف ایم کیوایم کی ریلی کی مکمل حمایت کی ہے اور تمام فقہوں اورمسالک سے تعلق رکھنے والے عوام سے پرذوراپیل کی ہے کہ وہ اتوارکوایم کیوایم کی جانب سے منعقد ہونے والی ریلی میں بھر پور تعدادمیں شرکت کریں۔ ان علمائے کرام نے یہ اپیل ایم کیوایم کے قائد جناب الطاف حسین سے ٹیلیفون پر علیحدہ علیحدہ گفتگو کرتے ہوئے کہی۔ علامہ طالب جوہری اورعلامہ عباس کمیلی نے کہاکہ دہشت گردی ایک قومی مسئلہ ہے اوردہشت گردوں کا ایک مخصوص ٹولہ اسلام کے نام پر مسلح افواج اورمعصوم شہریوں کو دہشت گردی کانشانہ بناکراسلام کوبدنام کررہاہے اوراس کے چہرے کو مسخ کررہاہے لہٰذاپوری قوم کواس کے خلاف متحد ہونا چاہیے۔ جناب الطاف حسین نے علامہ طالب جوہری اورعلامہ عباس کمیلی سے گفتگو کرتے ہوئے کہا کہ مسلح افواج پاکستان کو دہشت گردی کی لعنت سے نجات دلانے کیلئے سرگرم ہیں اوراپنی جانیں قربان پیش کررہی ہیں،اس جنگ میں مسلح افواج کو قوم کی بھرپور حمایت اوریکجہتی کی ضرورت ہے۔علمائے کرام نے دہشت گردوں کے خلاف برسرپیکار مسلح افواج سے اظہار یکجہتی کیلئے ایم کیوایم کی جانب سے منعقد کی جانے والی ریلی کوخوش آئندقراردیااوراس کی کامیابی کیلئے دعائیں کیں اوراس سلسلے میں جناب الطاف حسین کو مکمل تعاون کا یقین دلایا۔