عوام سے پرزور اپیل ہے کہ وہ عیدالاضحی کے موقع پر قربانی کی کھالیں خدمت خلق فاؤنڈیشن کودیں۔الطاف حسین

لندن ۔۔۔۔ 15 اکتوبر2013ء

متحدہ قومی موومنٹ کے قائدالطاف حسین نے عوام سے پرزور اپیل کی ہے کہ وہ عیدالاضحی کے موقع پر قربانی کی کھالیں خدمت خلق فاؤنڈیشن کودیں۔اپنے ایک بیان میں انہوں نے کہاکہ خدمت خلق فاؤنڈیشن ایک ممتازفلاحی ادارہ ہے جس نے آزادکشمیر اور خیبر پختونخوامیں قیامت خیززلزلہ ہو،تھراوربلوچستان میں قحط ہویاسندھ،پنجاب میں سیلاب ہویاکوئی بھی قدرتی آفت یاسانحہ ہو،خدمت خلق فاؤنڈیشن نے ہرموقع پر مصیبت زدگا ن کی ہرممکن مدد کی ۔ اس کے علاوہ خدمت خلق فاؤنڈیشن کی جانب سے غریب ومستحقین کی بلاامتیاز امداد کاسلسلہ بھی پورے سال جاری رہتاہے۔ خدمت خلق فاؤنڈیشن کے زیراہتمام کراچی میں نذیرحسین اسپتال،بڑے پیمانے پر ایمبولینس سروس جاری ہے۔اس کے علاوہ اسی فلاحی ادارے کی جانب سے نذیرحسین یونیورسٹی تعلیم کے شعبے میں عوام کی خدمت کررہی ہے۔کراچی کی طرح حیدرآبادمیں بھی نذیرحسین میڈیکل سینٹر،چائلڈاسپتال اورمختلف فلاحی مراکز بھی دن رات عوام کی خدمت کررہے ہیں۔اس کے علاوہ ملک کے دیگرشہروں میں بھی خدمت خلق فاؤنڈیشن کی ایمبولینس سروس جاری ہے۔ جناب الطاف حسین نے کہاکہ خدمت خلق فاؤنڈیشن کی ان فلاحی اورامدادی سرگرمیاں قربانی کی کھالوں، زکوٰۃ، صدقات اورعوا م کے دیگر عطیات کی مددسے ہی کی جاتی ہیں۔ انہوں نے عوام سے اپیل کی کہ وہ عیدالاضحی کے موقع پر قربانی کے جانوروں کی کھالیں خدمت خلق فاؤنڈیشن کودیں تاکہ وہ مزیدبہتراورمؤثراندازمیں اپنی فلاحی وامدادی سرگرمیوں کاسلسلہ جاری رکھ سکے اوران کادائرہ بڑھاسکے۔