ایم کیوایم کے قائد جناب الطاف حسین کی سالگرہ پر لاڑکانہ یتیم خانے میں بچوں کے ہمراہ سالگرہ کا کیک کاٹا گیا
قائد تحریک الطاف حسین نے ہمیشہ مظلوموں اور محکوموں کی بے لوث خدمت کا درس دیا، عبد اللہ بلیدی
لاڑکانہ:۔۔۔19، ستمبر2013ء
قائد تحریک جناب الطاف حسین کی60ویں سالگرہ کے پرمسرت موقع پرمتحدہ قومی موومنٹ سوشل فورم کے رکن عبداللہ بلیدی نے لاڑکانہ زونل کمیٹی کے انچارج واراکین کے ہمراہ لاڑکانہ میں یتیم خانے کادورہ کیااورمعصوم بچوں میں کھلونے، ملبوسات اوردیگرتحائف تقسیم کیے اوران کے ساتھ ملکر جناب الطاف حسین کی سالگرہ کا کیک کاٹا۔ اس موقع پرانہوں نے یتیم خانے کے ایڈمنسٹریٹراکبرچانڈیوکوبچوں کیلئے جان بچانے والی ادویات بھی پہنچائی۔ سالگرہ کی تقریب سے خطاب کرتے ہوئے عبداللہ بلیدی نے کہاکہ قائدتحریک جناب الطاف حسین نے ہمیشہ مظلوموں ومحکوموں کی خدمت کادرس دیاہے وہ ہزاروں میل دورہوکربھی ملک بھرکے ضرورتمندعوام کے مسائل سے بخوبی آگاہ ہیں۔ انہوں نے کہاکہ قائدتحریک سب سے زیادہ بچوں سے پیارومحبت کرتے ہیں اورآج کی یہ تقریب اس بات کاواضح ثبوت ہے کہ جناب الطاف حسین نے اپنی سالگرہ کی خوشی میں معصوم بچوں کونہ صرف شامل کیابلکہ ان کیلئے تحفے تحائف بھی بھیجے۔انہوں نے تمام بچوں کوقائدتحریک جناب الطاف حسین کی 60ویں سالگرہ کی مبارکباد دیتے ہوئے اعلان کیا کہ 14،نومبر کو قائد تحریک الطاف حسین کی جانب سے یتیم بچوں کے اعزازمیں ظہرانہ دیاجائیگا۔اس موقع پربچوں نے ملبوسات اورتحائف دینے پرجناب الطاف حسین کاشکریہ اداکیااوران کی درازی عمرصحت وتندرستی کیلئے دعائیں کیں۔