چشمہ گوٹھ کے عوام متحدہ کو بھاری اکثریت سے کامیاب کرائیں گے، رکن صوبائی اسمبلی سید وقار حسین شاہ

کراچی:۔۔۔21؍نومبر2015ء

حق پرست ایم پی اے سید وقار حسین شاہ بھائی نے کہا ہے کہ 5دسمبر کو حق پرستوں کی فتح آنے والی نسلوں کی بقاء کی ضامن ہوگی۔ یہ بات انہوں نے چشمہ گوٹھ یونین کونسل نمبر 30 ڈسٹرکٹ کونسل ملیر کے مختلف وارڈز میں الیکشن آفسز کے افتتاح کے موقع پر خطاب کرتے ہوئے کہی ۔اس موقع پرمختلف زبانوں،قومیتوں اورمذاہب سے تعلق رکھنے والے عوام کی بڑی تعدادموجودتھے جنہوں نے ایم کیوایم کے قائدتحریک الطاف حسین کے نامزدحق پرست امیدواروں کوبھاری اکثریت سے کامیاب کروانے کی یقین دہانی کرائی۔ سید وقار حسین شاہ نے کہاکہ 5دسمبر کو چشمہ گوٹھ کے سندھی، بلوچ، بنگالی اور اردو بولنے والے حق پرست عوام ایم کیو ایم کو بھاری اکثریت سے کامیاب بنائیں گے۔ اس موقع پر جوائنٹ انچارج KMOCسید احمد رضا بھائی اور کن KMOCاویس احمد بھی موجود تھے۔