ایم کیوایم روزاول سے محنت کشوں کے جائزحقوق کے لئے عملی جدوجہدکررہی ہے ،ڈاکٹرمحمدفاروق ستار

کراچی ۔۔۔11، نومبر2015ء

متحدہ قومی موومنٹ کے سینئررہنماء وقومی اسمبلی میں ایم کیوایم کے پارلیمانی لیڈرڈاکٹرمحمدفاروق ستارنے کہاہے کہ ایم کیوایم روزاول سے محنت کشوں کے جائزحقوق کے لئے عملی جدوجہدکررہی ہے اورچاہتی ہے کہ محنت کشوں کوسندھ میں جائزحق دیاجائے۔انہوں نے کہاکہ یہ انتہائی افسوسناک امرہے کہ روٹی کپڑااورمکان کانعرہ لگانے والوں کی جانب سے گزشتہ کئی سالوں سے سندھ بالخصوص کراچی کے محنت کشوں اورسندھ کے دیہی وشہری علاقوں کے عوام کے ساتھ تیسرے درجے کے پاکستانی والاسلوک رواں رکھاجارہاہے۔ ان خیالات کااظہارانہوں نے سوک سینٹرمیں(CBA)اجتماعی سوداکارایجنٹ کے تعین کے لئے ہونے والے ریفرنڈم کے سلسلے میں متحدہ ورکرزفرنٹ کراچی واٹراینڈسیوریج بورڈ کے زیراہتمام شاندارجلسہ عام کے شرکاء سے خطاب کے دوران کیا۔جلسہ عام میں ایم کیوایم کی رابطہ کمیٹی کے رکن عادل خان اورانچارج لیبرڈویژن اسدکاظمی نے خصوصی طورپر شرکت کی۔اس موقع پریونائٹیڈلیبرفیڈریشن ،انچارج واراکین یونٹ کمیٹی کراچی واٹراینڈسیوریج بورڈاورمتحدہ وررکرزفرنٹ کے بی سی اے کے عہدیداران سمیت ادارے سے وابستہ ملازمین کی کثیرتعدادموجودتھی۔ڈاکٹرمحمدفاروق ستارنے کہاکہ حکمراں فراہمی آب کے ہرپروجیکٹ پرکمیشن لے رہے ہیں اورناکارہ مشینری کی تنصیب کرواکراہم پروجیکٹوں کوسرخ فیتے کی نظرکرکے عوام کوبے وقوف بنارہے ہیں۔انہوں نے کہاکہ تمام پروجیکٹ فیل ہوچکے ہیں اگرحکمراں مخلص ہوتے تووہ سندھ کی پیاسی عوام کوپانی کی بوندبوندکونہ ترساتے حکمران کرپشن کے بجائے K-2,K-3اور K-4 منصوبوں کوبروقت مکمل کرچکے ہوتے۔انہوں نے کہاکہ اب عوام مزیدبے وقوف نہیں بنایاجاسکتاعوام اچھی جانتے ہیں کہ کون سے مخلص ہے ؟ اورکون ان کامعاشی، سیاسی اورجسمانی استحصال کررہاہے۔جلسے ایم کیوایم لیبرڈویژن کے انچارج اسدکاظمی نے خطاب میں کہاکہ واٹراینڈسیوریج بورڈ کے ملازمین یقین دلایاکہ ایم کیوایم ان مفادات کے تحفظ کے لئے ملازمین کے ساتھ ہے اورادارے کی ترقی وخوشحالی کے لئے کام کرتی رہے گی۔بعدازاں متحدہ ورکرزفرنٹ کراچی واٹراینڈسیوریج بورڈ کے جنرل سیکریٹری راشدجمال نے کراچی واٹراینڈسیوریج بورڈکے ملازمین کویونین کے منشورکے نکات سے آگاہی دی ۔اس موقع پرکراچی واٹراینڈ سیوریج بورڈکے ملازمین اس امرکااعادہ کیاکہ وہ ہرصورت ریفرنڈم میں متحدہ ورکرزفرنٹ کے انتخابی نشان ’’مکا‘‘پرمہرثبت کرینگے۔