تاجر،صنعتکار، دکانداراور ٹرانسپورٹرشام چاربجے اپنی سرگرمیاں شروع کردیں، رابطہ کمیٹی کی اپیل

کراچی ۔۔۔22، جون2013ء

متحدہ قومی موومنٹ کی رابطہ کمیٹی نے حق پرست رکن سندھ اسمبلی ساجدقریشی اور ان کے صاحبزادے وقاص قریشی کے بہیمانہ قتل کے خلاف ایم کیوایم کی اپیل پر کراچی سمیت سندھ بھر میں تاجروں ، صنعتکاروں ، دکانداروں ، ٹرانسپورٹرزاورزندگی کے دیگر شعبوں سے تعلق رکھنے والے افراد کی جانب سے تمام تر سرگرمیاں بند رکھنے اور ایم کیوایم سے بھرپورتعاون پر ان سے دلی تشکرکااظہارکیا ہے ۔ ایک بیان میں رابطہ کمیٹی نے سندھ بھرکے تا جروں ، صنعتکاروں ، دکانداروں ، ٹرانسپورٹرزاورزندگی کے دیگر شعبوں سے تعلق رکھنے والے افرادسے اپیل کی کہ وہ شام چاربجے اپنی کاروباری اور دیگرسرمیاں شروع کردیں۔