عزیز آباد میں دہشت گردوں کے بم حملوں میں رینجرز اور پولیس اہلکاروں کے زخمی ہونے پرایم کیوایم کے قائد الطاف حسین کا اظہار افسوس۔ زخمیوں کی جلد صحتیابی کیلئے دعا کی
رینجرز اور پولیس کے جن اہلکاروں نے اپنی جان پر کھیل کر حملہ کو ناکام بنانے کی کوشش کی انہیں جتنا خراج تحسین پیش کیا جائے کم ہے۔ الطاف حسین
لندن۔۔۔4 مئی 2013ء
متحدہ قومی موومنٹ کے قائد جناب الطاف حسین نے عزیزآبادمیں دہشت گردوں کے بم حملوں میں رینجرز اورپولیس اہلکاروں کے زخمی ہونے پر گہرے دکھ کااظہارکیاہے۔ انہوں نے کہاکہ رینجرزاورپولیس کے جن اہلکاروں نے اپنی جان پر کھیل کرحملہ کوناکام بنانے کی کوشش کی انہیں جتناخراج تحسین پیش کیاجائے کم ہے ۔ جناب الطاف حسین نے دھماکے کے بعد خطرات کی پرواہ کئے بغیر امدادی کارروائیاں کرنے والے امدادی رضاکاروں کوبھی زبردست خراج تحسین پیش کیا۔ جناب الطاف حسین نے زخمیوں کی جلدصحتیابی کیلئے بھی دعاکی ۔