سانحہ 30ستمبر حیدرآباد اور 31، اکتوبر 87ء ہو حیدرآباد کے بہادر حق پرست عوام نے ہر موقع پر تحریک کیلئے بے مثال قربانیاں دیں ہیں، الطاف حسین

حیدرآباد۔۔۔یکم، مئی 2013ء 

متحدہ قومی موومنٹ کے قائد جناب الطاف حسین نے حیدرآباد کے عوام و کارکنان کو زبردست خراج تحسین پیش کرتے ہوئے کہا کہ ایم کیوایم کی جدوجہد میں حیدرآباد کی قربانیوں کو تاریخ کے اوراق سے نہیں نکالا جاسکتا ۔ بدھ کے روز حیدرآباد پکا قلعہ گراؤنڈ میں جلسہ عام سے خطاب کرتے ہوئے ایک موقع پر جناب الطاف حسین نے کہاکہ سانحہ 30ستمبر حیدرآباد اور 31، اکتوبر 87ء ہو حیدرآباد کے بہادر حق پرست عوام ، ماؤں ،بہنوں، نوجوانوں اوربزرگوں نے ہر موقع پر تحریک کیلئے بے مثال قربانیاں دیں ہیں اور کبھی بھی حق پرستی کا علم جھکنے نہیں دیا بلکہ اپنی جانیں قربان کردیں اور ایم کیوایم اور حق پرستی کے مشن کو زندہ رکھا جس پر میں انہیں سلام تحسین پیش کر تاہوں ۔