کریم آباد میں پیش آنے والے واقعہ پر ایم کیوایم کے قائد الطاف حسین کا دلی افسوس کا اظہار

لندن ۔۔۔ 3 اپریل 2015ء

متحدہ قومی موومنٹ کے قائدجناب الطاف حسین نے فیڈرل بی ایریا کے علاقے کریم آبادمیں پیش آنے والے واقعہ پر دلی افسوس کا اظہار کیا ہے۔ اپنے ایک بیان میں جناب الطاف حسین نے حلقہ این اے 246 کے عوا م سے اپیل کی ہے کہ وہ انتخابی مہم کے دوران صبروتحمل اورضبط وبرداشت سے کام لیں اور ایساکوئی بھی عمل نہ کریں جس سے ماحول میں کشیدگی پیداہواورافہام وتفہیم کی فضاء خراب ہو۔جناب الطاف حسین نے ایم کیوایم کے رہنماؤں، ذمہ داروں اورمنتخب نمائندوں کوتاکیدکی کہ وہ ماحول کوپرامن رکھنے اور ضبط وبرداشت کی فضاء برقراررکھنے کیلئے اپنا بھرپور کردار ادا کریں۔ جناب الطاف حسین نے خاص طورپر ایم کیوایم کے کارکنوں سے اپیل کرتے ہوئے کہا کہ ان کی زیادہ ذمہ داری عائدہوتی ہے کہ وہ اپنی جانب سے ایساکوئی عمل نہ کریں جس سے ماحول خراب ہو۔