ایم کیوایم ساؤتھ افریقہ جوہانسبرگ چیپٹر کے تحت جمعہ کو محمد وسیم شہید کی یاد میں محفل سماع منعقد ہوگی
بھارت کے معروف قوال نوشاد شعلہ اجمیری اور ہمنوا اپنے فن کا مظاہرہ کریں گے
کارکنان وہمدرد عوام ایم کیوایم جوہانسبرگ چیپٹر کے زیرانتظام محفل سماع میں بھرپورشرکت کریں، ایم کیوایم ساؤتھ افریقہ
لندن۔۔۔11،دسمبر2019ئ
متحدہ قومی موومنٹ ساؤتھ افریقہ یونٹ کے جوہانسبرگ چیپٹر کے زیرانتظام جمعہ 13، دسمبر کو ایم کیوایم کے شہید کارکن محمد وسیم کی یاد میں محفل سماع منعقد کی جائے گی اور محمد وسیم شہید سمیت تحریک کے تمام شہداء کوزبردست خراج عقیدت پیش کیاجائے گا۔محفل سماع جمعہ کو مقامی وقت کے مطابق شام 7 بجے ، لندن وقت کے مطابق شام 5 بجے اور پاکستانی وقت کے مطابق رات 10 بجے منعقد کی جائے گی جس میں معروف قوال نوشاد شعلہ اجمیری اور ہمنوا اپنے فن کا مظاہرہ کریں گے ۔ محفل سماع بسم اللہ کمیونٹی ہال بالمقابل بسم اللہ ہوٹل فوڈبرگ جوہانسبرگ میں منعقد کی جائے گی ۔ بعدازاں محفل سماع کے شرکاء کی تواضع کیلئے حلیم کا اہتمام بھی کیاجائے گا۔دریں اثناء ایم کیوایم ساؤتھ افریقہ کی آرگنائزنگ کمیٹی نے ایم کیوایم ساؤتھ افریقہ کے تمام کارکنان وہمدردوں سے اپیل کی ہے کہ وہ جمعہ کے روز ایم کیوایم جوہانسبرگ چیپٹر کے زیرانتظام محفل سماع میں بھرپورشرکت کریں اور شہداء کو زبردست خراج عقیدت پیش کریں ۔
٭٭٭٭٭