خواتین ، بزرگ اور کارکنان شہداء ، اسیر اورلاپتہ کارکنان کے اہل خانہ کی مالی امداد کیلئے اپنے اپنے طور پر زیادہ سے زیادہ زکوٰۃ ،فطرات اور دیگرعطیات ازخود جمع کر یں، الطاف حسین کی اپیل

لندن۔ 21مئی 2018ء 

متحدہ قومی موومنٹ کے بانی و قائد جناب الطاف حسین نے ایم کیوایم کے کارکنوں، خواتین اوربزرگوں سے اپیل کی ہے کہ وہ رمضان المبارک کے بابرکت مہینے میں شہداء ، اسیر، لاپتہ کارکنان کے اہل خانہ اور ضرورت تمندوں کی مالی امداد کیلئے اپنے اپنے طور پر زیادہ سے زیادہ زکوٰۃ ،فطرات اور دیگرعطیات ازخود جمع کر یں ۔ جناب الطاف حسین نے کہا کہ رمضان المبار ک میں افطاری کرانا اور ضروتمندو ں کی ضرورت پوری کرنا باعث برکت و باعث ثواب ہوتا ہے ، عید الفطر کے موقع پر آپ اپنے اہل خانہ اور بچوں کو عید کی شاپنگ کراتے وقت شہدا ، اسیر اور لاپتہ کارکنان کے اہل خانہ اور ان کے بچوں کو بھی یاد رکھیں اور انہیں بھی عیدالفطر کی خوشیوں میں شریک کرنے کی ہرممکن کوشش کر یں اس سلسلے میں آپ اپنے طو ر پر زیادہ سے زیادہ زکوٰۃ ،فطرہ اور دیگر عطیات ازخود جمع کر یں تاکہ ضروتمندوں کی مد د کی جاسکے ۔جناب الطاف حسین نے اوور سیز یونٹ کے تمام ذمہ داران وکارکنان سے بھی اپیل کی ہے کہ وہ شہداء ، اسیر ،لاپتہ کارکنان کے اہل خانہ اور ضروتمندوں کی مالی امداد کیلئے زکوٰۃ ،فطر ہ اور دیگرعطیات کی رقم اپنے اپنے چیپٹر ز میں زیادہ سے زیادہ سے جمع کر ائیں یا پھر پاکستان میں اپنے عزیز و اقارب کے ذریعے ضروتمندوں تک رقم ارسال کریں دوسری صور ت میں زکوٰۃۃ ،فطرہ اور دیگر عطیات کی رقم قائد تحریک جناب الطاف حسین کے اکاؤنٹ میں بھی جمع کرائی جاسکتی ہے ۔ 

*****