ایم کیوایم ساؤ تھ افریقہ کے وفد کاجوہانسبرگ میں ساؤ تھ افریقین کمیو نسٹ پارٹی کے دفتر کا دور ہ

جوہانسبرگ۔۔۔18اپر یل 2018ء 

ایم کیوایم ساؤ تھ افریقہ کے ایک وفد نے ایم کیوایم کی سینٹر ل ایگزیکٹوکمیٹی کے رکن محمد سلیم کی سربراہی میں جوہانسبرگ میں واقع ساؤ تھ افریقین کمیو نسٹ پارٹی کے دفتر کا دور ہ کیا اور فر سٹ ڈپٹی جنرل سیکریٹر ی جناب سولی ماپیلا ،سیکنڈ ڈپٹی جنرل سیکریٹری جناب کرس میتلا کو اور فل ٹائم سینٹرل کمیٹی کی سابق رکن مس رینیوا فوری سے ملاقات کی۔ایم کیوایم کے وفد میں ایم کیوایم ساؤتھ افریقہ کے آرگنائز ر راشد مینائی ،آرگنائزنگ کمیٹی کے اراکین نثار احمد ،محمد خالد ،اسد شیخ او رنادر محمد شامل تھے ۔ ملاقات میں ساؤ تھ افریقہ میں ماضی کے نسل پر ستانہ دورمیں مقامی سیاہ فام باشندوں کے ساتھ روارکھے جانے والے ظالمانہ سلوک ،عظیم لیڈر نیلسن مینڈیلا کی قیادت میں نسل پرستی سے آزادی کیلئے سیاہ فام باشندوں کی جدوجہداو ردیگر امو رپرتفصیلی تبادلہ خیال کیا گیا ۔کامریڈ سولی نے پاکستان سیکوریٹی فورسز بشمول آئی ایس آئی، پیر ا ملٹری رینجرز اورپولیس کی جانب سے مہاجروں کے ساتھ کئے جانے والے ظالمانہ اور متعصبانہ طر ز عمل پر گہرے دکھ اور افسوس کا اظہا رکیا ۔ اس موقع پر ایم کیوایم کے وفد نے انہیں پاکستان میں ایم کیوایم کے خلاف 2013ء سے جاری ریاستی آپر یشن ، قائد تحریک جناب الطاف حسین کی تحریر و تقریر پر پابند ی ، انہیں دہشت گرد اور غدار قرار دینے ، ایم کیوایم کے ڈپٹی کنوینر پروفیسر حسن ظفر عارف اور ایم کیوایم کے کارکنان کے ماورائے عدالت قتل او رکارکنان کی جبر ی گمشدگیوں کی تفصیلات سے آگاہ کیا اور اس حوالے سے مختلف کتابچے اور دستاویزات بھی پیش کیں 

کامریڈ سولی نے مہاجروں کو ریاستی مظالم کا نشانہ بنانے اور جناب الطا ف حسین کوملک دشمن اورغدارقراردینے پر اپنی تشویش ظاہر کر تے ہوئے کہا کہ ان مظالم سے مجھے ساؤ تھ افریقہ کا نسل پرستانہ دور یاد آگیا ہے جب اسی طرح سیاہ فام باشندوں کوریاستی مظالم کانشانہ بنایاجاتاتھا اور آزادی کی تحریک کے دوران نیلسن منڈیلا اوردیگررہنماؤں کو بھی دہشت گرد قرار دیا جاتا رہاتھا ،اس طرح کے الزامات کوئی نئی بات نہیں ہے ۔کامریڈ سولی ماپیلا نے پاکستان کےمحروم ومظلوم کیلئے ایم کیوایم کے قائدجناب الطاف حسین کی برسوں طویل جدوجہد اور قربانیوں کو سراہتے ہوئے کہاکہ ایک کامریڈ کی حیثیت سے الطاف حسین ’’ میرے لیڈر ‘‘ ہیں اورمیں وعدہ کرتاہوں کہ ہماری غیر متزلزل یکجہتی اور کامریڈ شپ جناب الطاف حسین اور ان کے کروڑوں حامیوں کے ساتھ رہے گی ۔ انہوں نے کہا کہ ساؤتھ افریقہ کمیونسٹ پارٹی ،جوہانسبرگ میں پاکستانی نمائندوں سے وضاحت طلب کر ے گی کہ جناب الطاف حسین اور ان کے حامیوں کے ساتھ ظالمانہ اور متعصبانہ سلو ک کیوں کیا جارہا ہے اور 1992ء سے اب تک پروفیسر ڈاکٹر حسن ظفر عارف سمیت 22ہزار مہاجر کارکنوں اور ہمدردوں کے سفاکانہ قتل کی تحقیقات کیوں نہیں کی گئی ۔کامریڈ سولی اور ان کے دیگر اراکین نے جناب الطاف حسین اور ان کے کروڑوں حامیوں کو پیغام دیا کہ ہم نے افریقن نیشنل کانگریس کی قیادت میں آزادی کی تحریک میں ظالموں کا مقابلہ کیا اوراس جدوجہد میں ہم نے ہزاروں جانوں کا نذرانہ دیا اور بالآخر اپنے عظیم لیڈرنیلسن میڈیلا کی قیادت میں جمہوری فتح اورریاستی ظلم وجبرسے آزادی حاصل کی ۔پاکستان میں مہاجرعوام بھی اسی طرح کے مسائل کا سامنا کرر ہے ہیں جن سے ہم گزرے ہیں ۔ ہم آپ کو اپنے عزم کا یقین دلاتے ہیں کہ آپ کی آزادی کے حصول کیلئے ہم آپ کی بھر پور معاونت وحمایت کریں گے ۔ کامریڈسولی اوران کی ٹیم نے ایم کیوایم ساؤتھ افریقہ کومستقبل میں تعاون کرنے اورایک مشترکہ مقصد کے لئے مل کرکام کرنے کا یقین دلایا۔ 

*****