Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

محمد اقبال کی خودکشی کے ذمہ دار کرپٹ سرکاری افسران کو قرارواقعی سزا دی جائے، متحدہ قومی موومنٹ


محمد اقبال کی خودکشی کے ذمہ دار کرپٹ سرکاری افسران کو قرارواقعی سزا دی جائے، متحدہ قومی موومنٹ
 Posted on: 10/24/2016
محمد اقبال کی خودکشی کے ذمہ دار کرپٹ سرکاری افسران کو قرارواقعی سزا دی جائے، متحدہ قومی موومنٹ
بلدیہ عظمیٰ کراچی کے سابق ملازم محمد اقبال گزشتہ تین برسوں سے پنشن کے حصول کیلئے ٹھوکریں کھارہے تھے، رابطہ کمیٹی
کرپٹ سرکاری افسران کی وجہ سے عمررسیدہ ریٹائرڈ ملازمین کوپنشن کیلئے اذیت کا سامنا کرناپڑتا ہے ، رابطہ کمیٹی
محمداقبال مرحوم کے اہل خانہ کی کفالت کیلئے مناسب انتظامات کیے جائیں، رابطہ کمیٹی
ریٹائرڈ سرکاری ملازمین کوپنشن کی فراہمی کیلئے ہرممکن سہولیات فراہم کی جائیں،رابطہ کمیٹی

متحدہ قومی موومنٹ کی عبوری رابطہ کمیٹی نے پنشن کی عدم فراہمی پرکے ایم سی کے سابق ملازم محمد اقبال کی خودکشی پر گہرے دکھ اور افسوس کااظہار کیا ہے اورمطالبہ کیا ہے کہ اس المناک واقعہ کے ذمہ دار کرپٹ عناصر کو قرارواقعی سزا دی جائے ۔ ایک بیان میں رابطہ کمیٹی نے کہاکہ میڈیا کی رپورٹ کے مطابق بلدیہ عظمیٰ کراچی کے سابق ملازم محمد اقبال گزشتہ تین برسوں سے پنشن کے حصول کیلئے ٹھوکریں کھارہے تھے اورکے ایم سی کے کرپٹ افسران کی جانب سے پنشن واگزار کرنے کیلئے رشوت طلب کی جارہی تھی اورگزشتہ تین برسوں سے پنشن کی عدم فراہمی کے باعث محمد اقبال کو خودکشی جیسا انتہائی قدم اٹھانا پڑا ۔اس سے قبل کراچی کے شہری غوث اللہ بیگ کو مسلسل تنخواہ کی عدم فراہمی کا سامنا رہا اور تنخواہ نہ ملنے کے باعث وہ شدیدذہنی دباؤ میں مبتلا ہوکر انتقال کرگئے لیکن اس افسوسناک واقعہ کابھی کوئی نوٹس نہیں لیاگیا۔ 
رابطہ کمیٹی نے کہاکہ ایک جانب کرپٹ سرکاری افسران کی وجہ سے عمررسیدہ سابق سرکاری ملازمین کواپنی پنشن کے حصول کیلئے شدید سردوگرم موسم میں طویل قطاروں میں لگ کر اذیت کا سامنا کرناپڑرہا ہے جبکہ دوسری جانب رشوت نہ دینے کے باعث انہیں پنشن سے محروم بھی رکھا جارہا ہے جس کی جتنی بھی مذمت کی جائے کم ہے ۔ رابطہ کمیٹی نے مطالبہ کیاکہ محمد اقبال کی خودکشی کے واقعہ کا سنجیدگی سے نوٹس لیاجائے ، اس کے ذمہ دار عناصر کے خلاف قانونی کارروائی کی جائے ، انہیں سخت ترین سزا دی جائے ، محمداقبال مرحوم کے اہل خانہ کی کفالت کیلئے مناسب انتظامات کیے جائیں اورملک وقوم کی خدمت کرنے والے ریٹائرڈ سرکاری ملازمین کوپنشن کی فراہمی کیلئے ہرممکن سہولیات فراہم کی جائیں۔
رابطہ کمیٹی نے کے ایم سی کے ریٹائرڈ سرکاری ملازم محمد اقبال کے سوگوارلواحقین سے دلی تعزیت وہمدردی کااظہارکرتے ہوئے دعا کی اللہ تعالیٰ مرحوم کے صغیرہ کبیرہ گناہوں کو معاف فرمائے ، انہیں اپنی جوار رحمت میں جگہ دے اور سوگوارلواحقین کو یہ صدمہ برداشت کرنے کا حوصلہ دے ۔(آمین)

*****
4/19/2024 5:53:04 AM