پاڪ سرزمين ٽولي جو اڳواڻ مهاجرن جو کليل دشمن آهي. ايم ڪيو ايم ترجمان
ڪراچي: 19 جولائي 2016
متحده قومي موومينٽ جي ترجمان چيو آهي ته پاڪ سرزمين ٽولي جو اڳواڻ مهاجرن جو کليل دشمن آهي. جيڪو اسٽيبلشمينٽ جي هٿان پنهنجو سودو ڪري ايم ڪيو ايم کي ختم ڪرڻ ۽ مهاجرن جي حقن جي جدوجهد کي ڪڇلڻ جي ايجنڊي جي تڪميل جي لاءِ پاڪستان آيو آهي. پنهنجي هڪ بيان ۾ ترجمان چيو ته ايم ڪيو ايم جا ڪارڪن ۽ مهاجر عوام چڱي نموني ڄاڻين ٿا ته پاڪ سرزمين پارٽي نالي ٽولي جو اڳواڻ هڪ طرف ته ايم ڪيو ايم جي لاپتا ڪيل ڪارڪنن جي لاءِ واڳون جا ڳوڙها ڳاڙي رهيو آهي ۽ ٻئي طرف رينجر کي ايم ڪيو ايم جي ڪارڪنن جون لسٽون ۽ ايڊريسون ڏيئي ڪري انهن کي گرفتار ڪرائي رهيو آهي ۽ انهن کي سرڪاري ٽارچر سيلن ۾ تشدد جو نشانو به بڻرائي رهيو آهي ته جيئن انهن کي ايم ڪيو ايم کي ڇڏي ڪري مهاجرن جي خلاف ڪم ڪرڻ تي مجبور ڪيو وڃي. ترجمان چيو ته ڪراچي ۾ پوليس ۽ رينجر جي هٿان ايم ڪيو ايم جي بي گناھ ڪارڪنن جو ماورائي عدالت قتل ڪيو ويندو رهيو پر پاڪ سرزمين ٽولي جو اڳواڻ دبئي ۾ ويهي ڪري عياشيون ڪندو رهيو، ان کي پوليس ۽ رينجر جي هٿان ڪراچي ۾ مهاجرن جون لاشون نظر نه آيون ۽ اڄ اهو اسٽيبلشمينٽ جي هٿان پنهنجو سودو ڪري مهاجرن ۽ انهن جي جماعت ايم ڪيو ايم کي ڪڇلڻ جي ايجنڊي تي عمل ڪرڻ آيو آهي. ان شخص مير جعفر ۽ مير صادق کي به پوئتي ڇڏي ڏنو آهي. اهو ٽولو ڀلي ڪيتري ئي سازش ۽ ڪيترائي ئي هٿڪنڊا استعمال ڪري وٺي پر اهو پنهنجن ناپاڪ ارادن ۾ ڪڏهن به ڪامياب ٿي نه ٿو سگهي.
*****