پاڻي جي لائينن جي ذريعي پتو لڳائي سگهجي ٿو ته اهي لائينون ڪيڏانهن وڃي رهيون آهن. پر آپريشن جي نالي تي پنهنجي چوري تي پردو وجهي ڪري سڄو الزام فيڪٽرين تي هڻڻ فيڪٽرين کي بدنام ڪرڻ جي هڪ سازش آهي. نامزد ڊپٽي ميئر ڪراچي ارشد وهرٰي
ڪراچي: 16 جولائي 2016
حق پرست نامزد ڊپٽي ميئر ارشد وهرٰي چيو آهي ته هڪ سوچيل سمجهيل سازش جي تحت ڪراچي کي تباھ ڪرڻ جي ڪوشش ڪئي پئي وڃي. پنهنجي هڪ بيان ۾ انهن چيو ته ڪراچي واٽر اينڊ سيوريج بورڊ جي انتظاميه پنهنجي نااهلي لڪائڻ جي لاءِ ڪراچي جي فيڪٽرين تي پاڻي چورائڻ جو الزام لڳايو آهي. انهن چيو ته ڪراچي واٽر اينڊ سيوريج بورڊ جي طرفان ڪيترائي دفعا عوام جي اکين ۾ ڌوڙ وجهڻ جي لاءِ آپريشن ڪيو آهي پر اڄ تائين پاڻي چوري جو ڪوئي به هڪ ڪيس ثابت نه ڪري سگهيو آهي. انهن چيو ته جيڪڏهن ڪوئي پاڻي چوري ڪرڻ ۾ ملوث آهي ته پاڻي جي لائينن مان پتو لڳائي سگهجي ٿو ته اهي لائينون ڪٿي وڃي رهيون آهن.انهن چيو ته ان قسم جي قدمن جي ڪري صنعتڪارن کي مجبور ڪيو پيو وڃي ته اهي پنهنجيون فيڪٽريون ڪراچي کان ڪنهن ٻئي هنڌ منتقل ڪري ڇڏين.
*****