ڊفينس ڪلفٽن ۾ ٽينڪر مافيا جو راڄ آهي ۽ ائين محسوس ٿئي ٿو ته عوام کي لٽڻ جي لاءِ ٽينڪر مافيا کي کليل ڇوٽ ڏني وئي آهي. ڊفينس ريذيڊنس ڪميٽي
ڪراچي: 10 جولائي 2016
ڊفينس ڪلفٽن ريذيڊنس ڪميٽي ۽ ڪائونسل آف پروفيشنل جو هڪ گڏيل اجلاس ڊفينس هائوسنگ اٿارٽي ۾ ٿيو. اجلاس ۾ ايم ڪيو ايم رابطا ڪميٽي جي ميمبر محفوظ يار خان، ڊفينس ڪلفٽن ريذيڊنس ڪميٽي جي ميمبرن ۽ ٻين به شرڪت ڪئي. ان موقعي تي محفوظ يار خان چيو ته پاڻي جي ڪمي جو مسئلو ڪراچي ۾ وڏي شدت اختيار ڪري ويو آهي. جنهن سان ڊفينس ڪلفٽن جا رهائشي به متاثر ٿيا آهن. انهن چيو ته ڊفينس ڪلفٽن جا رهائشي هر مهيني ڪروڙين روپيا ڪلفٽن ڪنٽومينٽ بورڊ کي واٽر ٽيڪس جي مد ۾ ڏين ٿا. پر ان جي باوجود هتان جا رهائشي پاڻي جي لاءِ ترسي رهيا آهن. انهن چيو ته پاڻي جي ڪمي جي ڪري عوام 12 هزار روپين ۾ پاڻي جو ٽينڪر خريد ڪرڻ تي مجبور آهن. انهن چيو ته ڊي ايڇ اي جي طرفان ڪوجنٽ پلانٽ جو افتتاح ته ڪيو ويو پر ڪميشن جي بندر بانٽ کان پوءِ ان پلانٽ کي ڪٻاڙي به خريد ڪرڻ جي لاءِ تيار نه آهن. انهن چيو ته ان سلسلي ۾ 15 جولائي بروز جمعي تي شام جو 6 وڳي تين تلوار تي ڊفينس ڪلفٽن ريذيڊنس ڪميٽي جي آفيس ۾ اهم اجلاس منعقد ٿيندو جنهن ۾ آئنده جو لائحه عمل طئي ڪيو ويندو.
*****