پاڪستان ۾ پورهيت طبقي جي مسئلن جو واحد حل فرسوده جاگيرداراڻه، وڏيراڻه ۽ سرمائيداراڻه نظام جو پاڙ کان خاتمو آهي. قائد تحريڪ جناب الطاف حسين
پورهيت طبقي جي عالمي ڏينهن جي موقعي تي خصوصي پيغام
لنڊن: پهرين مئي 2016
متحده قومي موومينٽ جي قائد جناب الطاف حسين فرمايو آهي ته پورهيت طبقو ڪنهن به معاشري جي جوڙ جڪ جي لاءِ ڪرنگهي جي هڏي جي حيثيت رکي ٿو. جنهن کان سواءِ معاشري جي تعمير و ترقي ناممڪن آهي ۽ ان جي شراڪت ۽ شموليت کي يقيني بڻايو وڃي. انهن خيالن جو اظهار انهن پهرين مئي “ پورهيت طبقي جي عالمي ڏينهن ” جي موقعي تي پنهنجي هڪ خصوصي پيغام ۾ فرمايو. انهن فرمايو ته بدقسمتي سان پاڪستان ۾ رائج فرسوده جاگيرداراڻه، وڏيراڻه ۽ سرمائيداراڻه نظام جي ڪري پورهيت طبقي کي انهن جي جائز حقن کان محروم رکيو پيو وڃي ۽ ان طبقي جي لاءِ اهڙيون پاليسيون اختيار ڪيون پيون وڃن. جنهن جي ڪري پورهيت طبقو نه صرف معاشي بحران بلڪه سخت بدحالي جو شڪار به آهي ۽ هر گذرندڙ ڏينهن سان گڏو گڏ انهن ۾ مايوسيون ۽ محروميون وڌنديون پيون وڃن. انهن فرمايو ته پاڪستان ۾ پورهيت طبقي جي مسئلن جو واحد حل فرسوده جاگيرداراڻه، وڏيراڻه ۽ سرمائيداراڻه نظام جو پاڙ کان خاتمو آهي. انهن فرمايو ته ايم ڪيو ايم واحد جماعت آهي جنهن پورهيت طبقي جي جائز حقن جي لاءِ ملڪ ۾ سڀني کان پهرين حق جي آواز بلند ڪئي ۽ انهن کي جائز حق ڏيارڻ جي حصول جي لاءِ ليبرڊويزن جي صورت ۾ ايم ڪيو ايم جو پليٽ فارم به مهيا ڪيو. انهن فرمايو ته ضرورت ان ڳالھھ جي آهي ته مختلف شعبن ۾ پورهيت طقبي سان ڪئي ويندڙ زيادتين ۽ ناانصافين جي خاتمي جي لاءِ عملي قدم کنيا وڃن. انهن فرمايو ته صنعتي پيداواري ادارن ۾ ٺيڪيداري نظام سان پورهيت طبقي جو معاشي قتل عام ٿئي ٿو. جنهن جي ازالي جي لاءِ صنعتي پيداواري ادارن مان ٺيڪداري نظام کي ختم ڪري پورهيت طبقي کي تحفظ فراهم ڪيو وڃي.
*****