ايم ڪيو ايم جي قائد جناب الطاف حسين تي مني لانڊرنگ جي الزام ۾ تفتيش جي سلسلي ۾ ضمانت جون پابنديون ختم ٿيڻ ۽ فرد جرم عائد نه ڪرڻ جي فيصلي جي خوشي ۾ ايم ڪيو ايم بيلجيئم جي زير اهتمام جشن ملهايو ويو
برسلز: 8 فيبروري 2016
ايم ڪيو ايم جي قائد جناب الطاف حسين تي مني لانڊرنگ جي الزام ۾ لنڊن ميٽروپوليٽن پوليس جي طرفان تفتيش جي سلسلي ۾ ضمانت جون پابنديون ختم ٿيڻ ۽ فرد جرم عائد نه ڪرڻ جي فيصلي جي خوشي ۾ ايم ڪيو ايم بيلجيئم جي زير اهتمام جشن ملهايو ويو. ان سلسلي ۾ برسلز ۾ هڪ اجتماع منعقد ڪيو ويو. جنهن ۾ برسلز ۽ بيلجيئم جي ٻين شهرن سان تعلق رکندڙ ايم ڪيو ايم جي ڪارڪنن ۽ همدرد پاڪستانين به شرڪت ڪئي. ان موقعي تي سمورن ڪارڪنن ۽ همدردن هڪ ٻئي کي مبارڪباد پيش ڪئي ۽ ايم ڪيو ايم جي نغمن تي خوشي ۾ جمهريون به پاتيون. اجتماع جي شرڪاء قائد تحريڪ جناب الطاف حسين جي وڏي عمر ۽ تحريڪ جي ڪاميابي جي لاءِ دعا به ڪئي.
*****