پي آئي اي جي ملازمن جا جائز مطالبا ٻڌڻ ۽ انهن کي حل ڪرڻ جي بجاءِ انهن تي يلغار وڏو ظلم آهي.
ايم ڪيو ايم ليبر ڊويزن انچارج اسد ڪاظمي.
ڪراچي: 3 فيبروري 2016
متحده قومي موومينٽ ليبر ڊويزن جي انچارج اسد ڪاظمي پي آئي اي جي ملازمن تي پوليس ۽ رينجر جي تشدد ۽ فائرنگ ڪرڻ جي سخت مذمت ڪندي چيو آهي پي آئي اي جي ملازمن جا جائز مطالبا ٻڌڻ ۽ انهن کي حل ڪرڻ جي بجاءِ انهن تي جهڙي طرح تشدد ڪيو ويو اهو هڪ وڏو ظلم آهي. پنهنجي هڪ بيان ۾ انهن چيو ته پنهنجن جائز مطالبن جي لاءِ احتجاج ڪرڻ هر ڪنهن جو آئيني ۽ قانوني حق آهي. پر پي آئي اي جي احتجاج ڪندڙ ملازمن تي فائرنگ ڪئي وئي جنهن ۾ ٽي ملازم شهيد ٿي ويا ۽ ڪيترائي زخمي به ٿي پيا جنهن جي جيتري به مذمت ڪئي وڃي اها گهٽ آهي. انهن چيو ته پي آئي اي جي ملازمن سان جهڙي طرح جو سلوڪ ڪيو ويو آهي ته ان مان ملڪ ۾ جمهوريت جو ڪهڙو فائدو ۽ اهڙي جمهوريت ۽ آمريت ۾ پوءِ ڪهڙو فرق رهجي وڃي ٿو.انهن پي آئي اي جي ملازمن جي شهيد ٿيندڙ پونئرن سان دلي تعزيت ۽ همدردي جو اظهار ڪندي پونئرن کي صبر جي تلقين ڪئي ۽ زخمين جي لاءِ صحتيابي جي لاءِ دعا به ڪئي. انهن حڪومت کان مطالبو ڪيو ته اها مظاهرين تي پوليس ۽ رينجر جي تشدد ۽ فائرنگ جي واقعي جي تحقيقات ڪرائي ۽ ان واقعي ۾ملوث ماڻهن جي خلاف سخت ترين ڪاروائي ڪئي وڃي.
*****