لنڊن مني لانڊرنگ ڪيس ۾ جناب الطاف حسين جي سرخرو ٿيڻ ۽ پنهنجي موقف تي سچو ثابت ٿيڻ جي خوشي ۾ ڪراچي سميت سڄي ملڪ ۾ يوم تشڪر ملهايو ويو.

ڪراچي: 2 فيبروري 2016 

                    لنڊن ۾ مني لانڊرنگ ڪيس ۾ قائد تحريڪ جناب الطاف حسين جي سرخرو ٿيڻ ۽ پنهنجي موقف تي سچو ثابت ٿيڻ جي خوشي ۾ اڱاري جي ڏينهن ڪراچي سميت سڄي ملڪ ۾ يوم تشڪر ملهايو ويو ۽ شڪراني جا نفل ادا ڪيا ويا. ان سلسلي جو مرڪزي پروگرام نائن زيرو تي لعل قلعه گرائونڊ عزيز آباد ۾ منعقد ٿيو. جنهن ۾ رابطا ڪميٽي جي سينيئر ڊپٽي ڪنوينر عامر خان، ڊپٽي ڪنوينرن ڪهف الورٰي، شاهد پاشا، رابطا ڪميٽي ميمبرن امين الحق، ڪنور نويد جميل، شبير احمد قائم خاني، ريحانه نسرين، محمد حسين، عارف خان، اقبال مقدم، محترمه زرين مجيد، ڪمال ملڪ، زاهد منصوري، ارشد حسن ۽ اسيمبلي ميمبرن، سينيٽرن ۽ ڪارڪنن وڏي تعداد ۾ شرڪت ڪئي. ان موقعي تي علامه جميل راٺوڙ اجتماعي دعا ڪرائي. جنهن ۾ قائد تحريڪ جناب الطاف حسين جي وڏي عمر، صحت و سلامتي ، شهيد انقلاب ڊاڪٽر عمران فاروق شهيد سميت سمورن شهيدن جي بلند درجات، قاتلن جي گرفتاري ۽ اسير ساٿين جي جلد رهائي جي لاءِ دعائون ڪيون ويون. 

*****