رستو ڏکيو ۽ وسيلا نه هجڻ جي باوجود قيادت تي پختو يقين هو ان جي ڪري ئي اڄ الله تعالٰي اسان کي ان مقام تي پهچايو آهي. رابطا ڪميٽي ميمبر محترمه زرين مجيد.
لال قلعه گرائونڊ ۾ عورت ڪارڪنن جي اجلاس کي خطاب.
ڪراچي: 23 نومبر 2015
ايم ڪيو ايم جي رابطا ڪميٽي جي ميمبر محترمه زرين مجيد چيو آهي ته قائد تحريڪ جناب الطاف حسين جي قيادت ۾ جڏهن اسان ملڪ جي وچولي طبقي ۽ غريبن جي جائز حقن جي حصول جي لاءِ جدوجهد شروع ڪئي ته ان وقت موجوده دور واريون سهولتون موجود نه هيون. پر اسان جو پنهنجي قيادت تي پختو يقين هو جنهن جي ڪري اڄ الله سائين اسان کي هن مقام تي پهچايو آهي. انهن خيالن جو اظهار انهن لال قلعه گرائونڊ عزيز آباد ۾ ايم ڪيو ايم جي شعبي خواتين جي زير اهتمام رنڇوڙ لائين سيڪٽر جي ذميوار ۽ عورت ڪارڪنن جي اجلاس کي خطاب ڪندي ڪيو. ان موقعي تي شعبه خواتين جي انچارج محترمه ڪشور زهرٰي ۽ ٻيون به موجود هيون. محترمه زرين مجيد چيو ته اڄ قائد تحريڪ جناب الطاف حسين جي قيادت ۾ پاڪلستان جا سمورا مظلوم متحد آهن ۽ جناب الطاف حسين پاڪستان جا واحد ليڊر آهن جيڪي پاڪستان جي سلامتي جا ضامن آهن ۽ اڄ اهو عورتن جو ايترو وڏو اجتماع ان ڳالھھ ڏانهن اشارو ڪري رهيو آهي ته پاڪستان جون امڙيون ۽ ڀينرون به جناب الطاف حسين سان گڏ آهن ۽ هن مڪاني اليڪشن ۾ پنهنجو ڀرپور ڪردار ادا ڪنديون. ان کان پوءِ محترمه ڪشور زهرٰي ۽ ٻين به خطاب ڪيو.
*****