ایم کیو ایم امریکہ کے زیراہتمام سالانہ افطار ڈنر کا اہتمام، حق پرست سینیٹر خوش بخت شجاعت سمیت امریکہ میں مقیم پاکستانیوں کی شرکت

امریکہ۔۔۔6جولائی2015ء

متحدہ قومی موومنٹ امریکہ کے زیراہتمام اٹلانٹا کے شیروڈ بینکویٹ ہال میں سالانہ افطار ڈنر کا اہتمام کیا گیا۔ افطار ڈنر میں حق پرست سینیٹر خوش بخت شجاعت نے خصوصی طور پر شرکت کی۔اس موقع پر خوش بخت شجاعت نے کہا کہ جناب الطاف حسین پاکستان کے ظالمانہ، متعصبانہ، جاگیردارانہ نظام میں تازہ ہوا کا واحد جھونکا ہیں۔انہوں نے کہاکہ جناب الطاف حسین ملک کے واحد سیاستدان ہیں جنہوں نے خواتین کے حقوق کیلئے عملی اقدامات کئے ہیں،ایم کیو ایم پر الزامات لگتے رہے ہیں جس کو بنیاد بنا کر ایم کیو ایم کے خلاف ماضی میں بھی ریاستی آپریشن کئے گئے اور ہمارے ہزاروں ساتھیوں کو شہید ، سینکڑوں کو معذور، پابند سلال اور لاپتہ کیا گیا لیکن حق پرستی کی یہ جدوجہد آج تک جاری ہے۔افطار ڈنر میں ایم کیو ایم امریکہ کے سینٹرل آرگنائزنگ کمیٹی کے جوائنٹ انچارج ندیم صدیقی،اراکین ثاقب محی الدین ، معاون کمیٹی کے رکن حسیب خان ،اٹلانٹا چیپٹر انچارج سید فرخ ،اراکین رضوان ہاشمی، زاھد غازیپورا، سدرہ رحمان، مہوش زیدی سمیت بڑی تعداد میں کارکنوں، ہمدردوں اور امریکہ میں مقیم پاکستانیوں نے بڑی تعداد میں شرکت کی۔اس موقع پر سن چیریٹی امریکہ نے خصوصی اسٹال لگا کر خدمت خلق فاؤنڈیشن کی فلاحی سرگرمیوں کیلئے زکوۃ اور فطرانے کی رقوم اکٹھا کیں۔حاظرین محفل نے ایم کیو ایم ایٹلانٹاچیپٹر کی خدمت کو سراہتے ہوئے اس بات کا اظہار کیا کہ ایسے پروگرامز پاکستان سے باہر پاکستان کے سوفٹر امیج کو دکھانے میں بھرپور کردار ادا کرتے ہیں ۔ پروگرام کا اختتام قائد تحریک جناب الطاف حسین کے لئے دعاء صحت اور دعاء درازئی عمر پر ہوا۔