جناب الطاف حسين جي طرفان ايم ڪيو ايم بلوچستان ڪميٽي جي مرڪزي جوائنٽ انچارج اشرف خان جي وحشياڻي قتل تي افسوس جو اظهار.
مان پنهنجن ساٿين جي شهادت تي حڪومت ۽ قانون نافذ ڪرڻ وارن ادارن کان نوٽس وٺڻ جو مسلسل مطالبو ڪري رهيو آهيان پر منهنجن مطالبن تي ڪوبه توجه نه ڏيئي رهيو آهي.قائد تحريڪ جناب الطاف حسين.
لنڊن؛ 13 جنوري 2015
متحده قومي موومينٽ جي قائد جناب الطاف حسين اورنگي ٽائون ۾ هٿيار بند دهشت گردن جي فائرنگ سان ايم ڪيو ايم بلوچستان ڪميٽي جي مرڪزي جوائنٽ انچارج اشرف خان جي وحشياڻي قتل تي وڏي افسوس جو اظهار ڪيو آهي. پنهنجي هڪ بيان ۾ جناب الطاف حسين فرمايو ته اشرف خان ايم ڪيو ايم جا هڪ سينيئر ۽ بهادر ڪارڪن هئا،انهن فرمايو ته ايم ڪيو ايم جي ڪارڪنن کي لڳاتار شهيد ڪيو پيو وڃي پر اختيار رکندڙ ڌرين ۽ قانون نافذ ڪرڻ وارن ادارن کي اهو نظر نه اچي رهيو آهي.انهن فرمايو ته مان پنهنجن ڪارڪنن جي شهادت تي وزير اعظم ميان نواز شريف،وفاقي وزير داخلا چوڌري نثار علي خان ۽ ٻين کان مسلسل نوٽس وٺڻ جو مطالبو ڪندو پيو اچان پر ڪنهن به منهنجن مطالبن تي ڪن نه ڌريو آهي.انهن فرمايو ته اشرف خان هڪ بهادر ڪارڪن هئا جنهن هميشه تحريڪ جي فڪر و فلسفي جي فروغ جي لاءِ جدوجهد ڪئي .جناب الطاف حسين آرمي چيف جنرل راحيل شريف ۽ آئي ايس آئي چيف جنرل رضوان اختر کان مطلبو ڪيو ته اهي ڪراچي ۾ ايم ڪيو ايم جي ڪارڪنن جي قتل جو نوٽس وٺن ۽ ان ۾ ملوث دهشت گردن جي خلاف سخت ترين ڪاروائي ڪن.