يورپي پارليامينٽ سانحه پشاور جي شهيدن جي پونئرن ۽ پاڪستان سان گڏ آهي. امجد بشير ميمبر يورپي پارليامينٽ.
طالبان دهشت گردن سان گڏو گڏ انهن جي سڌي ريت يا اڻ سڌي ريت حمايت ۽ مدد ڪرڻ وارن تمام ماڻهن جي خلاف به ڀرپور ڪاروائي ڪئي وڃي. مصطفٰي عزيز آبادي.
لنڊن ۾ يادگاري تقريب کي خطاب.
لنڊن؛ 22 ڊسمبر 2014
پشاور ۾ طالبان دهشت گردن جي هٿان شهيد ٿيندڙ آرمي پبلڪ اسڪول جي معصوم شاگردن، استادن ۽ اسٽاف کي خراج عقيدت پيش ڪرڻ جي لاءِ لنڊن ۾ ٽريفلگر اسڪوائر تي هڪ يادگاري تقريب منعقد ڪئي وئي جنهن کي يورپي پارليامينٽ جي ميمبر امجد بشير خطاب ڪندي پشاور واقعي جي سخت ترين لفظن ۾ مذمت ڪئي ۽ چيو ته يورپي پارليامينٽ به ان قتل عام جي سخت ترين لفظن ۾ مذمت ڪري ٿي.ايم ڪيو ايم رابطا ڪميٽي ميمبر مصطفٰي عزيز آبادي تقريب کي خطاب ڪندي چيو ته پاڪستان کي بچائڻ جي لاءِ طالبان دهشت گردن جو خاتمو ڪرڻ ضروري آهي ۽ طالبان دهشت گردن سان گڏو گڏ انهن جي حمايت ڪرڻ وارن جي خلاف به ڀرپور ڪاروائي ڪئي وڃي.انهن مولوي عبدالعزيز جي طرفان جناب الطاف حسين کي ڏنل ڌمڪي جي به سخت ترين لفظن ۾ مذمت ڪئي ۽ چيو ته مولوي ٻارن ۽ استادن جي قتل عام کي جائز قرار ڏيئي رهيو آهي انهن کي فوري طور تي گرفتار ڪيو وڃي. رابطا ڪميٽي ميمبر انسباط ملڪ چيو ته انسانيت تي يقين رکڻ وارو ڪوئي به شخص پشاور جي معصومن جي قتل عام جي حمايت نه ٿو ڪري سگهي. تقريب کي رابطا ڪميٽي ميمبر اظهار احمد خان، ڊاڪٽر سليم دانش،ٿرڊ ورلڊ ساليڊريٽي جي چيئرمين مشتاق لاشاري، فورم فار انٽرنيشنل رليشنز ڊولپمينٽ جي چيئرمين طحٰه قريشي ۽ ٻين به خطاب ڪيو.