قائدتحریک الطاف حسین کے حق میں نعرے لگانے پرگلشن اقبال سے ایم کیوایم کے کارکنوں اصغر اورسلمان شیخ کی گرفتاریاں قابل مذمت ہیں ۔ رابطہ کمیٹی ایم کیوایم

لندن ۔۔۔ 14 جولائی 2018ء

متحدہ قومی موومنٹ کی رابطہ کمیٹی نے گلشن اقبال کے علاقے میں قائدتحریک الطاف حسین کے حق میں نعرے لگانے پر ایم کیوایم کے کارکنوں اصغر اورسلمان شیخ کی گرفتاریوں کی شدیدمذمت کی ہے ۔ اپنے ایک بیان میں رابطہ کمیٹی نے کہاکہ کراچی میں کالعدم تنظیموں کوکھلے عام سرگرمیاں کرنے ،حتیٰ کہ الیکشن لڑنے تک کی آزادی ہے لیکن ایم کیوایم کے خلاف آپریشن کیاجارہاہے، اس کے بے گناہ کارکنوں کوگرفتارکیاجار ہاہے، ایم کیوایم اورقائدتحریک الطاف حسین کا نام لیناجرم بنادیاگیاہے۔ آج ببھی گلشن اقبال سے دونوجوان کارکنوں اصغراورسلمان شیخ کومحض اسلئے گرفتارکرلیاگیاکہ انہوں نے قائدتحریک الطاف حسین کے حق میں نعرے لگائے تھے۔ اس پاداش میں انہیں گرفتارکرکے نامعلوم مقام پر منتقل کردیاگیاہے ۔ رابطہ کمیٹی نے دونوں نوجوان کارکنوں کی گرفتاریوں کی شدیدمذمت کرتے ہوئے کہاکہ یہ سراسرظلم ہے جس کی جتنی بھی مذمت کی جائے کم ہے ۔ رابطہ کمیٹی نے کہاکہ ا ن گرفتاریوں کاسب سے قابل مذمت پہلو یہ ہے کہ ضمیرفروش عناصر خودنشاندہی کرکے کارکنوں کی گرفتاریاں کروارہے ہیں۔ کراچی کی طرح حیدرآبادمیں بھی یہی عمل کیاجارہاہے ۔حیدرآباد سے بھی سابق جوائنٹ زونل انچارج اسرارشیخ کوبھی اسی طرح رینجرز نے گرفتارکیاہے جن کاتاحال کچھ پتہ نہیں ہے ۔ رابطہ کمیٹی نے مطالبہ کیاکہ اصغر،سلمان شیخ اور اسرار شیخ کوفی الفوررہا کیاجائے ۔

*****