Home
 
Altaf Hussain
 
English News
 
Urdu News
Sindhi News
Photo Gallery
International Media Inquiries
+44 20 3371 1290
+1 909 273 6068
[email protected]
 
Events
Blogs
Fikri Nishist
Study Circle
Songs
Videos Gallery
Manifesto 2013
Philosophy
Poetry
Online Units
Media Corner
RAIDS/ARRESTS
About MQM
Social Media
Pakistan Maps
Education
Links
Poll
Web TV
Feedback
KKF
Contact Us
قائد تحریک الطاف حسین کے سگے خالہ زاد بھائی خالد حسین کو فی الفور رہا کیاجائے ، کنوینر ندیم نصرت
Posted on: 7/19/2017
قائد تحریک الطاف حسین کے سگے خالہ زاد بھائی خالد حسین کو فی الفور رہا کیاجائے ، کنوینر ندیم نصرت
خالد حسین کو آج شام ایک خفیہ ایجنسی کے اہلکار ان کی رہائش گاہ کے باہر سے گرفتارکرکے اپنے ہمراہ لے گئے، ندیم نصرت
خالد حسین دل کے عارضہ میں مبتلا ہیں،کچھ دنوں قبل ہی انکی اوپن ہارٹ سرجری ہوئی ہے،ندیم نصرت
خالد حسین نہ تو ایم کیوایم کے کارکن ہیں اورنہ ہی ان کا سیاست سے کوئی تعلق ہے، ندیم نصرت
اس سے قبل قائد تحریک کے بڑے بھائی ناصر حسین اوربھتیجے عارف حسین کوگرفتارکرکے ماورائے عدالت قتل کیاجاچکا ہے،ندیم نصرت
آرمی چیف جواب دیں کہ اگر اسٹیبلشمنٹ کی قائد تحریک الطاف حسین سے کوئی ناراضگی ہے تو ان کے رشتہ داروں
کو ریاستی مظالم کا نشانہ کیوں بنایاجارہا ہے؟ندیم نصرت
وزیراعظم اور وزیراعلیٰ سندھ قائد تحریک الطاف حسین کے سگے خالہ زاد بھائی خالدحسین کی بلاجوازگرفتاری کا فوری نوٹس لیں ، ندیم نصرت
متحدہ قومی موومنٹ(پاکستان) کی رابطہ کمیٹی کے کنوینر ندیم نصرت نے قائد تحریک جناب الطاف حسین کے سگے خالہ زاد بھائی خالد حسین کی گرفتاری کی سخت ترین الفاظ میں مذمت کی ہے اور مطالبہ کیاہے کہ خالدحسین کو فی الفور رہا کیاجائے ۔ ایک بیان میں ندیم نصرت نے کہاکہ قائد تحریک جناب الطاف حسین کے سگے خالدزاد بھائی خالدحسین ولد اشراق حسین آج شب تقریبا سات بجکر 45 منٹ پر اپنی رہائش گاہ واقع نارتھ ناظم آباد کے باہر سبزی فروش کے ٹھیلے پر بیٹھے ہوئے تھے کہ گاڑی میں سوار ایک خفیہ ایجنسی کے اہلکار انہیں گرفتارکرکے اپنے ہمراہ لے گئے اورتاحال خالدحسین کے بارے میں کچھ نہیں بتایاگیا ہے کہ انہیں کیوں گرفتارکیاگیا ہے ۔ ندیم نصرت نے کہاکہ خالد حسین دل کے عارضہ میں مبتلا ہیں،کچھ دنوں قبل ہی انکی اوپن ہارٹ سرجری ہوئی ہے، خالد حسین نہ تو ایم کیوایم کے کارکن ہیں اورنہ ہی ان کا سیاست سے کوئی تعلق ہے ۔ انہوں نے مزیدکہاکہ اس سے قبل بھی خالد حسین کوگرفتارکرکے بہیمانہ تشددکا نشانہ بنایاجاچکا ہے اور ان کی بلاجواز وغیرقانونی گرفتاری سے خالد حسین کے اہل خانہ شدید ذہنی کرب میں مبتلا ہیں۔ ندیم نصرت نے چیف آف آرمی اسٹاف جنرل قمرجاوید باجوہ کو مخاطب کرتے ہوئے کہاکہ اگر اسٹیبلشمنٹ کی قائد تحریک جناب الطاف حسین سے کوئی ناراضگی ہے تو ان کے رشتہ داروں کو ریاستی مظالم کا نشانہ کیوں بنایاجارہا ہے؟ انہوں نے کہاکہ اس سے قبل قائد تحریک جناب الطاف حسین کے بڑے بھائی ناصر حسین اوربھتیجے عارف حسین کوگرفتارکرکے ماورائے عدالت قتل کیاجاچکا ہے جن کا سیاست سے دوردور تک کوئی تعلق نہیں تھا اورانکے قاتل آج تک گرفتارنہیں کیے گئے ہیں ۔ اسی طرح جناب الطاف حسین کے بہنوئی محمد اسلم ابراہانی کو بھی گرفتارکرکے اڈیالہ جیل میں قیدکے دوران بدترین سلوک کا نشانہ بنایاگیا جس سے ان کی حالت غیرہوگئی اور جیل سے رہائی کے کچھ عرصہ بعدانتقال کرگئے جبکہ جناب الطاف حسین کے اعصاب توڑنے کیلئے ان کے دیگر رشتہ داروں کے گھروں پر چھاپے مارے جاتے رہے ہیں ۔ انہوں نے کہاکہ جناب الطاف حسین کی دشمنی میں ان کے رشتہ داروں کو ریاستی دہشت گردی کا نشانہ بنانا انتہائی قابل مذمت ہے۔ندیم نصرت نے وزیراعظم میاں محمد نوازشریف اور وزیراعلیٰ سندھ سید مراد علی شاہ سے مطالبہ کیاکہ قائد تحریک جناب الطاف حسین کے سگے خالہ زاد بھائی خالدحسین کی بلاجوازگرفتاری کا فوری نوٹس لیاجائے اورانہیں غیرقانونی حراست سے فی الفور رہا کرایاجائے ۔
*****
3/29/2024 3:54:22 AM
وزیراعلیٰ بلوچستان سرفرازبگٹی بلوچ مزاحمت کاروں کوپیشکش کرنے سے پہلے
...
26 Mar 2024
صرف مردہ باد کہنے والا غدار ہے یاپاکستان کوعملاً توڑ دینے والے بڑے غد
...
25 Mar 2024
کراچی میں شہریوں کی جان ومال کا تحفظ یقینی بنایاجائے ، قائد تحریک الطا
...
25 Mar 2024
لندن میں ایم کیوایم کے 40 ویں یوم تاسیس کا مرکزی اجتماع اجتماع میں ایم
...
25 Mar 2024
یوٹیوبر حیدرمہدی مجھ پر بہتان تراشی کی وضاحت کریں، بصورت دیگر میں ان ک
...
25 Mar 2024
الطاف بھائی کے نظریے کوختم کرنے کی کوششیں کرنے والی طاقتیں شکست کھاگ
...
24 Mar 2024
ایم کیوایم کے 40ویں یوم تاسیس کا اجتماع کل بروز ہفتہ لندن میں ہوگا اجت
...
22 Mar 2024
افغانستان کے ساتھ لڑائی فوری بندکی جائے ،سفارتی راستہ اختیار کرکے صو
...
20 Mar 2024
متحدہ قومی موومنٹ کا 40 واں یوم تاسیس18 مارچ کو پاکستان سمیت دنیا بھر
...
19 Mar 2024
کرپٹ جرنیلوںنے 8فروری کے الیکشن میں عوامی مینڈیٹ کاخون کرکے ملک کی ب
...
19 Mar 2024
Muttahida Quami Movement (MQM) Copyright © 2014 (ver 3.0)
Home
Videos Gallery
Links
KKF
Feedback
Altaf Hussain
Photo Gallery
Study Circle
Online Units
Media Corner
News Archive
Manifesto 2013
Fikri Nishist
Songs
Social Media
Urdu News
Philosophy
Poetry
Education
Web TV
Events
RAIDS/ARRESTS
Poll
Pakistan Maps
Contact us