: غور سے پڑھیئے اورخود سوچیئے
بی بی سی کی رپورٹ میں جن مظالم کاذکر کیاگیا ہے یہی مظالم ایم کیوایم کے ہزاروں ذمہ داروں اورکارکنوں پر ہوتے رہے ہیں اورآج تک ہورہے ہیں مگربدقسمتی سے وہ فرزند زمین نہیں ہیں اس لئے ان پر ہونے والے مظالم کی کہیں کوئی شنوائی یاتذکرہ تک نہیں کیاجاتا ۔ مہاجروں کو ستر سال گزرجانے کے باوجود فرزند زمین نہیں سمجھا جاتا۔ ایک تفصیل ان بہادر قلم کاروں ، بلاگرز کی ہے جو اپنی سوچ وفکر کے مطابق اظہار خیال فرماتے ہیں ۔۔۔ ذرابی بی سی اردو کی اس رپورٹ کو غور سے پڑھیئے  اور خود اندازہ کریں کہ ان بلاگرز پر کیاگزری اورگرفتاری کے بعد قانون نافذکرنے والے اداروں کے اہلکاروں نے کس طرح انہیں ظلم وتشدد کانشانہ بنایا۔ ایم کیوایم کے ہزاروں کارکنان پر حراست کے دوران اس سے زیادہ بھیانک تشدد کیاجاتا ہے اور ماورائے عدالت قتل کردیاجاتا ہے مگر اس ظلم کے خلاف کوئی
آواز نہیں اٹھتی کونکہ مہاجروں کو فرزند زمین نہیں سمجھا جاتا۔

متحدہ قومی موومنٹ 

تشدد بندے کو خوفزدہ کر سکتا ہے مگر اسے بدل نہیں سکتا‘ بی بی سی اردو

انسانی حقوق کی تنظیموں کا دعویٰ ہے کہ پاکستان میں تشدد کے خاتمے سے متعلق اقوام متحدہ کے کنونشن کی کسی ایک شق پر بھی پوری طرح عملدرآمد نہیں ہو سکا۔ بعض ماہرین اس کی وجہ پاکستان میں زیرحراست تشدد کو روکنے میں حکومتی ناکامی کو قرار دیتے ہیں جہاں ریاستی اداروں کی تحویل میں تشدد معمول کی بات سمجھی جاتی ہے۔ اس تشدد کے لیے کیا طریقے استعمال کیے جاتے ہیں اس کی ایک جھلک ان تین افراد کی کہانیوں میں ملتی ہے جو حال ہی میں اس تشدد کا نشانہ بنے اور انھوں نے اپنے تجربات بی بی سی اردو سے شیئر  کیے۔