کراچی سے وفاق کو حاصل ہونے والے ٹیکسز کے بارے میں گورنرسندھ زبیرعمر کا بیان انکی کراچی دشمن سوچ کامنہ بولتاثبوت ہے ۔ ڈاکٹرندیم احسان رکن رابطہ کمیٹی ایم کیوایم

لندن ۔۔۔ 17 اپریل 2017ء

متحدہ قومی موومنٹ کی رابطہ کمیٹی کے رکن ڈاکٹرندیم احسان نے کہاہے کہ کراچی سے وفاق کو حاصل ہونے والے ٹیکسز کے بارے میں گورنرسندھ زبیرعمر کا بیان انکی کراچی دشمن سوچ کا منہ بولتاثبوت ہے۔ اپنے ایک بیان میں ڈاکٹرندیم احسان نے کہاکہ کراچی شروع ہی سے پاکستان کی صنعت وتجارت اور کاروباری سرگرمیوں کا مرکز رہاہے، اسی وجہ سے کراچی کوپاکستان کامعاشی دارالحکومت بھی کہاجاتاہے ۔ کراچی ہی پاکستان کو70فیصدریونیودیتاہے، خود گورنر سندھ بھی اس بات کومان رہے ہیں کہ 90فیصد ملٹی نیشنل کمپنیاں اورتجارتی ادارے کراچی میں ہیں اس کے باوجود گورنرسندھ زبیرعمرکایہ کہناکہ کراچی سے وفاق کوملنے والے ریونیو کے بارے میں دعوے غلط ہیں ،حقائق سے صریحاًانکارہے ۔ ڈاکٹرندیم احسان نے کہاکہ زبیرعمرکاکراچی کے بارے میں ان معتصبانہ خیالات کااظہاران کی کھلی کراچی دشمن سوچ کاعکاس ہے۔ انہوں نے کہاکہ قیام پاکستان کے بعد سے کراچی ہی پاکستان کوپال رہاہے ، پاکستان کے خزانے کوبھررہاہے، کراچی کے ریونیوکے ایندھن سے ہی پاکستان کی گاڑی چل رہی ہے لیکن اس کے جواب میں کراچی کووفاق پاکستان سے اس کا جائز حق نہیں ملتا۔ڈاکٹرندیم احسان نے مزیدکہاکہ اگرگورنرسندھ زبیرعمرکراچی کااحسان نہیں مان سکتے توکراچی سے حاصل ہونے والے ٹیکسز سے انکارکرکے اس کی توہین بھی نہ کریں۔