حقیقی دہشت گردوں کی فائرنگ سے شہید ہونے والے ایم کیوایم کے کارکن عاصم حسین اور امیر حیدر کو آہوں اور سسکیوں کے درمیان وادی حسین کے قبرستان میں سپرد خاک کردیا گیا

کراچی ۔۔۔27، مئی 2016ء 

ملیر جعفر طیار سوسائٹی میں مسلح حقیقی دہشت گردوں کی فائرنگ سے شہید ہونے والے ایم کیوایم کے کارکن عاصم حسین اور امیر حیدر کو آج آہوں ور سسکیوں کے درمیان وادی حسین قبرستان میں سپرد خا ک کردیا گیا ۔ شہید اء کی نماز جنازہ حسینی امام بارگاہ میں ادا کی گئی ۔ نماز جنازہ اور تدفین میں ایم کیوایم کی رابطہ کمیٹی کے ارکان عبد القادر خانزادہ ، عارف خان ایڈووکیٹ ، حق پرست اراکین قومی وصوبائی اسمبلی ، نومنتخب حق پرست بلدیاتی نمائندے ، ایم کیوایم کے ٹاؤنز اور یوسیز کے آرگنائزر ، کارکنان ، ہمدردوں اور شہداء کے عزیز و اقارب نے بڑی تعدا دمیں شرکت کی ۔ دریں اثناء سید عاصم حسین شہید اور امیر حیدر شہید کا سوئم مورخہ 29مئی 2016ء بروز اتوار شام 4بجے ملیر جعفر طیار سوسائٹی میں واقع مرکزی امام بارگاہ میں ہوگا جس میں شہداء کی ارواح کے ایصال ثواب کیلئے قرآن خوانی و فاتحہ خوانی کی جائے ۔