حیدرآباد شہر میں صفائی و ستھرائی کی ابتر صورتحال نے شہر کو گندگی کا ڈھیر بنا دیا ہے،حق پرست ارکان صوبائی اسمبلی

حیدرآباد ۔۔۔ یکم؍ مئی 2016ء

حیدرآباد شہر میں صفائی و ستھرائی کی ابتر صورتحال نے شہر کو گندگی کا ڈھیر بنا دیا ہے۔ان خیالات کا اظہار حق پرست ارکان صوبائی اسمبلی نے اپنے مشترکہ بیان میں شہر بھر میں گندگی ڈھیر اور صفائی ستھرائی کی خراب صورتحال پر تشویش کا اظہار کرتے ہوئے کیا۔ انہوں نے مزید کہا کہ حیدرآباد کے بیشتر علاقوں اور شاہراہوں پر کچرے کے ڈھیرے لگے ہوئے جس کی بدو لت شہریوں میں بیماریاں پھیل رہی ہے جیسے حق پرست نمائندے کسی صورت بر داشت نہیں کرینگے ۔انہوں نے کہا کہ بلدیہ اعلیٰ حیدرآباد کے فرض شناس افسران حیدرآباد کے شہریوں کو درپیش بنیادی مسائل کے حل کیلئے اپنی تمام ترصلاحتیں بروئے کار لائیں اور عوامی شکایات کا فوری طور پر ازلہ کریں ۔انہوں نے کہا کہ ضلعی انتظامیہ کے افسران اور حکومت سندھ کی لاپروائی اور غیر ذمہ داران رویہ عوامی مسائل کا باعث بنا ہوا ہے ۔انہوں نے وزیر اعلیٰ سید قائم علی شاہ اوروزیر بلدیات سے اپیل کرتے ہوئے کہا کہ حیدرآباد ضلعی انتظامیہ کے نااہل افسران کی ناقص کارکردگی نے شہر کو گندگی اور کچرے کا ڈھیر بنا نے فی الفو نوٹس لیں اور عوامی مسائل کے حل کیلئے فوری طور پر اقدامات کریں تاکہ عوام کو بنیادی سہولیات کی فراہمی کو یقینی بنایا جاسکے۔