قائدتحریک الطاف حسین پرمنی لانڈرنگ کے الزام میں تفتیش کے سلسلے میں ضمانت کی پابندیوں کے خاتمہ اورفردجرم عائدنہ کرنے کے فیصلے کی خوشی میں ایم کیوایم کی جانب سے کراچی سمیت ملک بھرمیں جشن منایاگیا

کراچی ۔۔۔ 6 فروری 2016ء

متحدہ قومی موومنٹ کے قائدجناب الطاف حسین پرمنی لانڈرنگ کے الزام میں تفتیش کے سلسلے میں میٹروپولیٹن پولیس کی جانب سے ضمانت کی پابندیوں کے خاتمہ اورفردجرم عائدنہ کرنے کے فیصلے کی خوشی میں آج کراچی سمیت ملک بھرمیں ایم کیوایم کی جانب سے جشن منایاگیا۔ جشن کے سلسلے میں تمام شہروں میں ریلیاں نکالی گئیں ، چراغاں کیاگیااورعوام میں مٹھائیاں تقسیم کی گئیں۔ جشن کے سلسلے میں آج کراچی میں ایم کیوایم کی جانب سے تمام ٹاؤن اوریوسی کے دفاترکے ساتھ ساتھ شہرکے تمام بڑے چوراہوں اورشاہراہوں کورنگ برنگی لائٹوں،جھالروں اوربرقی قمقموں سے خوبصورتی سے سجایاگیا جبکہ بیشترعلاقوں میں کارکنوں اورعوام نے بڑی تعدادمیں خوشی میں چراغ جلائے ۔ ایم کیوایم کے کارکنوں نے اپنے اپنے علاقوں میں بازاروں میں جاکردکانداروں اورعوام میں مٹھائیاں تقسیم کیں جبکہ تمام بڑی شاہراہوں پرگاڑیوں کوروک روک کرلوگوں میں مٹھائیاں تقسیم کیں۔عوام نے بھی جناب الطاف حسین کے بارے میں منی لانڈرنگ کے الزام میں تفتیش کے سلسلے میں ضمانت کی پابندیوں کے خاتمہ اورفردجرم عائدنہ کرنے کے فیصلے پر ایم کیوایم کے ذمہ داروں اورکارکنوں کو مبارکبادپیش کی۔جشن کے سلسلے میں کراچی کے تمام علاقوں میں ایم کیوایم کے ٹاؤنز کے زیراہتمام بڑی بڑی ریلیاں نکالی گئیں جنہوں نے شہرکے مختلف علاقوں میں گشت کیاجن میں شریک کارکنوں اورعام نواجوں ،بزرگوں، خواتین اوربچوں کاجوش وخروش قابل دیدتھا۔ جشن کے سلسلے میں جناح گراؤنڈ عزیزآبادمیں بھی ایک بڑااجتماع منعقدکیاگیاجس سے جناب الطاف حسین نے لندن سے ٹیلیفون پر خطاب کیا ۔ اس موقع پر جناب الطاف حسین کی رہائش گاہ نائن زیرو، جناح گراؤنڈ، مکاچوک اوراطراف کے تمام علاقوں کوبرقی قمقموں اورلائٹوں سے خوبصورتی سے سجایاگیاتھا۔ شہربھرسے ایم کیوایم کے کارکنان اورعوام اپنے ہاتھوں میں ایم کیوایم کے پرچم اور جناب الطاف حسین کی تصاویراٹھائے ، پرجوش نعرے لگاتے ہوئے جناح گراؤنڈپہنچے ۔ جشن کے سلسلے میں ایک ورائٹی پروگرام بھی ہواجس میں ممتازفنکاروں نے اپنے فن کا مظاہرہ کیا۔ جشن فتح کے سلسلے میں کراچی کے ساتھ ساتھ حیدرآبا،ٹنڈوالہ یار، سکھر،میرپورخاص،نوابشاہ،سانگھڑاور سندھ کے دیگرشہروں میں بھی ایم کیوایم کی جانب سے ریلیاں نکالی گئیں، چراغاں کیاگیااورعوام میں مٹھائیاں تقسیم کی گئیں اوراجتماعات منعقد کئے گئے۔ جشن فتح کے اجتماعات کایہ سلسلہ رات گئے تک جاری رہا۔ 

Celebrations in different Areas of Karachi